Криштиану Роналдунинг «бойкоти» изсиз кетмаган кўринади. «Arriyadiyah» нашрига маълум бўлишича, Муҳаммад ал-Скит «Ан-Наср» директорлар кенгаши раиси лавозимидан истеъфога чиққан. Функционер ўз қарорини тафсилотларга тўхталмаган ҳолда «шахсий сабаблар» билан изоҳлади.
Бундан олдин «Ан-Наср»да Роналдуга яқин бўлган португалияликлар — Жозе Семеду ва Симау Коутиньюнинг ваколатлари тиклангани ҳақида хабар берилган эди. Юлдуз ҳужумчи гўёки клубдан ички муаммоларни тузатиш бўйича ваъдалар олган.
Қайд этилишича, «Ан-Наср» бошқарув тузилмасидаги ўзгаришлар давом этади. Жамоа ҳозирда Саудия Арабистони Про-лигаси турнир жадвалида иккинчи ўринни эгаллаб турибди.
