«Манчестер Юнайтед»нинг собиқ сардори Гари Невилл жамоанинг бош мураббийи сифатида Карло Анчелоттини кўришни истамоқда.

«Мен «Манчестер Юнайтед» учун Анчелотти номзоди ҳақида гапиргандим. Шунчаки менга шундай туюляптими, унинг ёшини инобатга олсак, у ҳозир дунёдаги энг яхши ишга эга. Эҳтимол, клуб даражасида унда фақат битта иш қолгандир. Агар сизга сабр-тоқатли, вазмин ва АПЛда иш тажрибасига эга бўлган мутахассис керак бўлса — бу Анчелотти», — дея Невиллнинг сўзларини «The Touchline» нашри келтирмоқда.

Эслатиб ўтамиз, Карло Анчелотти ҳозирда Бразилия терма жамоасини бошқармоқда. Аввалроқ у клуб даражасида фақат «Реал»ни бошқаришга тайёрлигини айтган эди.

Ҳозирда «Манчестер Юнайтед» АПЛ турнир жадвалида тўртинчи ўринни эгаллаб турибди.