Мадриднинг «Реал» клуби устози Альваро Арбелоа жамоанинг юлдуз футболчилари ўртасида етарлича обрўга эга эмас. Бу ҳақда «Sport.es» нашри хабар бермоқда.

Журналистларга маълум бўлишича, мутахассис «футболчилар диктатураси» туфайли қийинчиликка дуч келмоқда. Жамоанинг етакчи футболчилари мураббийнинг айрим иш услубларига рози эмасликларини билдиришмоқда. Шу билан бирга, келишмовчиликлар тафсилотлари «қироллик клуби» кийиниш хонасидан ташқарига чиқарилмаяпти.

Эслатиб ўтамиз, испаниялик мутахассис январь ойи ўрталарида мадридликлар бошқарувини қўлга олган эди. У бош мураббий лавозимида Хаби Алонсонинг ўрнини эгаллаганди.

Ҳозирда «Реал» Ла Лигада иккинчи ўринда бормоқда, Чемпионлар лигасида эса плей-офф босқичига йўл олди ва у ерда «Бенфика»га қарши баҳс олиб боради.