Машҳур инсайдер Фабрицио Романо «Манчестер Сити» бош мураббийи Хосеп Гвардиоланинг келажаги борасида ўз фикрини билдирди.
Журналист ўзининг YouTube-каналида маълум қилишича, юлдуз мураббийнинг 2025/2026 йилги мавсум якунида жамоани тарк этиш эҳтимоли мавжуд. Романонинг сўзларига кўра, Гвардиола якуний қарорни «шаҳарликлар»нинг жорий мавсумдаги натижаларига қараб қабул қилади.
55 ёшли испаниялик мутахассис 2016 йилнинг ёзидан буён «Манчестер Сити» бошқарувида ишлаб келмоқда. Томонлар ўртасидаги амалдаги меҳнат шартномаси 2027 йилнинг июнь ойи охиригача мўлжалланган.
АПЛнинг жорий мавсумида «шаҳарликлар» турнир жадвалида иккинчи ўринни эгаллаб турибди ва пешқадам «Арсенал»дан олти очкога ортда қолмоқда.
