Ўз вақтида Лондоннинг "Арсенал" клубида тўп тепган Деннис Бергкамп Англия премьер-лигасидаги чемпионлик пойгаси ҳақида гапирди. Мутахассиснинг фикрича, "канонирлар"нинг олтин учун курашдаги ягона рақиби "Арсенал"дан 6 очкога ортда қолаётган "Манчестер Сити" ҳисобланади.
"Мен унчалик ташвишланмаган бўлардим, чунки бошқа жамоалар ҳозирча етарлича кучли эмас, деб ўйлайман. "Манчестер Сити" чемпионлик учун кураш олиб бориши мумкин", - дея Бергкампнинг сўзларини келтиради The Overlap.
Мутахассиснинг қўшимча қилишича, "Арсенал" бўлажак ўйинларнинг ҳар бирига эътибор қаратиши керак. Микель Артета жамоаси 56 очко билан турнир жадвалида биринчи ўринда бормоқда.
