"Реал" "Челси" ярим ҳимоячиси Энцо Фернандесни ўз сафига қўшиб олишга қизиқиш билдирмоқда.
"DS Sports" нашри берган маълумотларга кўра, Мадрид клуби аргентиналик футболчини ёзги трансфер ойнасида сотиб олиш учун расмий таклиф тайёрламоқда. "Қаймоқранглилар" Энцонинг трансфери эвазига "кўклар"га 60 миллион евро ва Эдуардо Камавингани беришга тайёр.
Энцо Фернандес 2023 йилда "Бенфика"дан "Челси"га 121 миллион евро эвазига ўтган эди. Унинг Лондон клуби билан шартномаси 2032 йилнинг 30 июнига қадар мўлжалланган. Жорий мавсумда ярим ҳимоячи "кўклар" сафида барча мусобақаларда 37 та ўйинда майдонга тушиб, 11 та гол урди ва тўртта голли узатмани амалга оширди. "Transfermarkt" портали Фернандеснинг қийматини 85 миллион еврога баҳоламоқда.
