"Барселона" спорт директори Деку яримҳимоячи Марк Бернални жамоанинг собиқ футболчиси Серхио Бускетс билан таққослагани ҳақидаги фикрлари билан ўртоқлашди.
"Бернални Бускетс билан таққослашга ҳали эрта. Мен учун Бускетс - тарихдаги энг яхши таянч яримҳимоячиси, аммо Берналда иқтидор бор ва у ривожланишда давом этиши керак", - дея Декунинг сўзларини келтиради Barca Universal.
18 ёшли Берналь "Барселона" тарбияланувчиси ҳисобланади. У жорий мавсумда барча мусобақаларни қўшиб ҳисоблаганда 18 та ўйинда майдонга тушиб, 1 та гол урди ва 1 та голли узатмани амалга оширди.
Берналнинг "кўк-анорранглилар" билан шартномаси 2029 йилгача мўлжалланган. Transfermarkt экспертлари футболчининг нархини ўн миллион еврога баҳоламоқда.
