"Barselona" sport direktori Deku yarimhimoyachi Mark Bernalni jamoaning sobiq futbolchisi Serxio Buskets bilan taqqoslagani haqidagi fikrlari bilan o‘rtoqlashdi.
"Bernalni Buskets bilan taqqoslashga hali erta. Men uchun Buskets - tarixdagi eng yaxshi tayanch yarimhimoyachisi, ammo Bernalda iqtidor bor va u rivojlanishda davom etishi kerak", - deya Dekuning so‘zlarini keltiradi Barca Universal.
18 yoshli Bernal "Barselona" tarbiyalanuvchisi hisoblanadi. U joriy mavsumda barcha musobaqalarni qo‘shib hisoblaganda 18 ta o‘yinda maydonga tushib, 1 ta gol urdi va 1 ta golli uzatmani amalga oshirdi.
Bernalning "ko‘k-anorranglilar" bilan shartnomasi 2029 yilgacha mo‘ljallangan. Transfermarkt ekspertlari futbolchining narxini o‘n million yevroga baholamoqda.
