Англия чемпионатида 26-турга старт берилди, "Манчестер Юнайтед" билан дуранг ўйнаган "Вест Хэм" ижобий натижага эришди. "Болғачилар"нинг португалиялик устози Нуну Эшпириту Санту ўйин натижасидан мамнун эканини яширмаяпти.
"Биз жуда яхши кўриндик ва кучли рақибга қарши ажойиб ўйин ўтказдик. Таслим бўлмаётганимиз ва курашаётганимизни кўрсатишга муваффақ бўлдик. Ҳар бир ўйинда, рақибдан қатъи назар", - дея мутахассиснинг сўзларини келтиради BBC Sport.
Эслатиб ўтамиз, "Вест Хэм" омон қолиш учун кураш олиб бормоқда. Клуб Англия Премьер-лигаси турнир жадвалида ўн саккизинчи ўринни эгаллаб турибди.
