Бойкот фонида Криштиану Роналдунинг клубини ўзгартириши ҳақидаги хабарлар пайдо бўла бошлади. Яқинда матбуотда «Интер Майами»нинг асосий инвестори Дэвид Бекхэм Месси ва Роналдуни бир жамоада бирлаштиришни истаётгани ҳақида маълумотлар тарқалган эди.
Эндиликда «MessiXtra» саҳифасида Роналду фаолиятининг сўнгги йилларида Месси билан бирга ўйнаш учун ўз агентларидан «Интер Майами»га трансферини ташкил қилишни сўрагани ҳақида хабар эълон қилинди. Ушбу пост 4 миллиондан ортиқ кўриниш тўплади, бироқ манбанинг ўзи у қадар ишончли эмас.
Ижтимоий тармоқлардаги бошқа шубҳали манбалар эса Месси гўёки Роналдунинг трансферига розилик бергани ҳақида ёзишмоқда.
Буларнинг барчаси, албатта, жуда қизиқ — кўплаб мухлислар Месси ва Роналдуни бир жамоа таркибида майдонда кўришни орзу қилишади — аммо нуфузли ва расмий манбалар ҳозирча бу ҳақда ҳеч қандай маълумот бермаяпти.
