Пайшанба куни Испанияда катта ўйин бўлиб ўтади — мамлакат кубогининг биринчи ярим финали доирасида «Атлетико» ўз майдонида «Барселона»ни қабул қилади. Мадридликлар ғалаба қозонишдан умидвор, бироқ каталонияликлар ҳам ўз олдиларига айнан шундай вазифани қўйишган.
«The Touchline» нашрининг хабар беришича, «Атлетико» мураббийлар штаби жамоа «Барселона»ни мағлуб эта олишига ишонмоқда. Бу ишонч, айниқса, каталонияликлар таркибида Рафинья ва Педрининг йўқлиги билан боғлиқ — бразилиялик футболчи жароҳат олган.
Кўрамиз, мадридликларнинг умиди оқланармикан. Ўйин 12 февраль куни Тошкент вақти билан 01:00 да бошланади.
