«Манчестер Сити» бош мураббийи Хосеп Гвардиола Рубен Диаш ва Марк Гехи тандеми ҳақида ўз фикрлари билан ўртоқлашди.
«Менга жуда ёқди! Уларнинг характери, индивидуаллиги — менимча, иккаласига ҳам бирга ўйнаш жуда қулай... Шунингдек, Жон Стоунс сафга қайтди, Натан Аке ҳам тез орада қайтади деб умид қиламан. Улар бизга кўплаб ўйинларда керак бўлади. Ноябрь ва декабрь ойларида дуч келган муаммомиз марказий ҳимоячиларнинг йўқлиги эди ва бу вазиятни бироз қийинлаштирганди», — дея Гвардиоланинг сўзларини келтирмоқда «City Report».
Эслатиб ўтамиз, Англия Премьер-лигасининг 26-турида «Манчестер Сити» ўз майдонида «Фулхэм»ни 3:0 ҳисобида мағлуб этди ва турнир жадвалида «Арсенал»га яқинлашиб олди. Ҳозирда «шаҳарликлар»нинг пешқадамдан орқада қолиши атиги уч очкони ташкил этади, бироқ Микель Артета жамоасида битта захира ўйини мавжуд.
