«Manchester Siti» bosh murabbiyi Xosep Gvardiola Ruben Diash va Mark Gexi tandemi haqida o‘z fikrlari bilan o‘rtoqlashdi.

«Menga juda yoqdi! Ularning xarakteri, individualligi — menimcha, ikkalasiga ham birga o‘ynash juda qulay... Shuningdek, Jon Stouns safga qaytdi, Natan Ake ham tez orada qaytadi deb umid qilaman. Ular bizga ko‘plab o‘yinlarda kerak bo‘ladi. Noyabr va dekabr oylarida duch kelgan muammomiz markaziy himoyachilarning yo‘qligi edi va bu vaziyatni biroz qiyinlashtirgandi», — deya Gvardiolaning so‘zlarini keltirmoqda «City Report».

Eslatib o‘tamiz, Angliya Premyer-ligasining 26-turida «Manchester Siti» o‘z maydonida «Fulxem»ni 3:0 hisobida mag‘lub etdi va turnir jadvalida «Arsenal»ga yaqinlashib oldi. Hozirda «shaharliklar»ning peshqadamdan orqada qolishi atigi uch ochkoni tashkil etadi, biroq Mikel Arteta jamoasida bitta zaxira o‘yini mavjud.