«Манчестер Сити» ҳужумчиси Эрлинг Холанд Англия Премьер-лигасининг «Фулхэм»га қарши баҳсида биринчи бўлимдан сўнг алмаштирилди.
Норвегиялик тўпурар 39-дақиқада гол уриб, ҳисобни 3:0 кўринишига келтирган эди. Бироқ иккинчи бўлимда унинг ўрнига майдонга Омар Мармуш тушди. Ўйиннинг қолган қисмида дарвозаларга бошқа гол киритилмади.
"Мен ҳали шифокорлар билан гаплашмадим. Эрлинг билан нима бўлганини аниқ билмайман. Балки нохушлик, чарчоқ ёки шунга ўхшаш нарсадир. Унинг ўзи: «Менда ноқулайлик бор», деди. Ўйинлар сони, ҳисоб 3:0 эканлиги ва захирада Мармуш борлигини ҳисобга олсак, Холандни алмаштириш мантиқан тўғри қарор эди, шундай эмасми?" — дея «шаҳарликлар» устози Хосеп Гвардиоланинг сўзларини келтирмоқда «The Touchline».
