"Рома"нинг собиқ сардори Франческо Тотти клуб раҳбарларидан бирига айланиши мумкин.
Аввалроқ римликлар 49 ёшли Тоттини техник директор этиб тайинламоқчи экани маълум бўлганди. Собиқ сардор бутун фаолиятини ўтказган клубига қайтишга тайёр.
La Repubblica хабарига кўра, томонлар италиялик футболчининг қайтиши борасида музокаралар олиб бормоқда. Тотти йилига 1 млн еврогача бўлган шартнома таклиф қилишга тайёр.
Франческога аста-секин клуб тузилмасига қўшилиши учун клубнинг ташқи маслаҳатчиси ёки элчиси бўлиш таклиф қилинмоқда. Тотти келажакда муҳим қарорлар қабул қилишда иштирок этадиган лавозимга эга бўлиш шарти билангина бунга рози бўлишга тайёр.
