«Фейеноорд»нинг янги аъзоси Раҳим Стерлинг Нидерландия клубига ўтиши борасида фикр билдирди. 31 ёшли инглиз футболчиси 2025/26 йилги мавсум якунига қадар шартнома имзолади.

"Худонинг режаси. Кейинги бобни бошлашни сабрсизлик билан кутяпман!" — деб ёзди Стерлинг ижтимоий тармоқдаги саҳифасида.

Инглиз ҳужумчиси «Фейеноорд»га эркин агент мақомида ўтди, чунки у 28 январда «Челси» билан шартномасини бекор қилган эди.

Бунгача у «Арсенал», «Манчестер Сити» ва «Ливерпуль» клубларида ҳам тўп сурган. Унинг ҳисобида барча мусобақалардаги 599 та ўйинда 182 та гол ва 133 та голли узатма мавжуд.