«Атлетико» ҳужумчиси Антуан Гризманн Испания Кубогининг кетма-кет тўртинчи ўйинида гол урди.
Франциялик футболчи турнирнинг ярим финалида «Барселона» дарвозасини ишғол қилди. У учрашувнинг 14-дақиқасида гол уриб, ҳисобни 2:0 кўринишига келтирди. Ўйин 4:0 ҳисобида якунланди.
Бундан аввал Гризманн «Атлетико Балеарес» билан ўйинда (3:2) дубль қайд этган, шунингдек, «Депортиво» (1:0) ва «Бетис» (5:0) жамоаларига қарши баҳсларда биттадан гол киритган эди.













