Лондоннинг «Арсенал» клуби ярим ҳимоячиси Деклан Райс «Брентфорд» билан бўлиб ўтган ўйиндан сўнг ўз фикрлари билан ўртоқлашди.

"Агар ўйинда ғалаба қозона олмасанг, ҳеч бўлмаса мағлуб бўлма... Биз ҳали ҳам энг яқин таъқибчимиздан тўрт очко олдиндамиз, аммо кимда-ким чемпионликни қўлга киритиш осон бўлади деб ўйласа, у жуда содда экан"", — деди Райс учрашувдан сўнг.

Англия чемпионатининг 26-туридан ўрин олган «Брентфорд» ва «Арсенал» жамоалари ўртасидаги баҳс 1:1 ҳисобидаги дуранг билан якунланди. «Тўпчилар» Премьер-лига пешқадами бўлиб қолишди, бироқ «Манчестер Сити» билан орадаги фарқ тўрт очкогача қисқарди.

Кейинги турда «Арсенал» сафарда «Вулверхэмптон» билан куч синашади. Учрашув 18 февраль куни бўлиб ўтади.