Londonning «Arsenal» klubi yarim himoyachisi Deklan Rays «Brentford» bilan bo‘lib o‘tgan o‘yindan so‘ng o‘z fikrlari bilan o‘rtoqlashdi.

"Agar o‘yinda g‘alaba qozona olmasang, hech bo‘lmasa mag‘lub bo‘lma... Biz hali ham eng yaqin ta’qibchimizdan to‘rt ochko oldindamiz, ammo kimda-kim chempionlikni qo‘lga kiritish oson bo‘ladi deb o‘ylasa, u juda sodda ekan"", — dedi Rays uchrashuvdan so‘ng.

Angliya chempionatining 26-turidan o‘rin olgan «Brentford» va «Arsenal» jamoalari o‘rtasidagi bahs 1:1 hisobidagi durang bilan yakunlandi. «To‘pchilar» Premyer-liga peshqadami bo‘lib qolishdi, biroq «Manchester Siti» bilan oradagi farq to‘rt ochkogacha qisqardi.

Keyingi turda «Arsenal» safarda «Vulverxempton» bilan kuch sinashadi. Uchrashuv 18 fevral kuni bo‘lib o‘tadi.