Лионель Месси яқинлашиб келаётган Жаҳон чемпионатида Аргентина терма жамоаси сафида иштирок этмаслиги мумкин. «The Touchline» нашрининг хабарига кўра, 38 ёшли футболчи мундиалда қатнашмаслик вариантини истисно қилмаяпти.
Ҳамма нарса ҳужумчининг жисмоний ҳолатига боғлиқ бўлади. Агар Месси ўзини 100 фоиз эмас, балки ҳатто 1 фоиз бўлса-да ёмонроқ ҳис қилса — у Жаҳон чемпионатига бормайди.
Месси МЛС (Major League Soccer) даражасини Жаҳон чемпионатига энг юқори формада етиб бориш учун етарлича рақобатбардош эмас деб ҳисоблайди. Аргентина терма жамоаси сардори бу камчиликни фақатгина юз фоизлик жисмоний тайёргарлик билан қоплаши кераклигини тушуниб турибди.
Эслатиб ўтамиз, 2026 йилги Жаҳон чемпионатида Аргентина терма жамоаси амалдаги чемпион сифатида ўз унвонини ҳимоя қилади. Ўтган мундиал финалида «альбиселесте» Франция билан 3:3 ҳисобида дуранг ўйнаб, пенальтилар сериясида ғалаба қозонган эди.
