«Ювентус» майдон марказини кучайтириш режалари устида ишламоқда. «Transfer News Live» нашрининг «Calciomercato»га таяниб хабар беришича, Турин гранди Бернарду Силвани ўз сафига қўшиб олмоқчи. Португалиялик футболчи ёзда эркин агентга айланиши мумкин — унинг «Манчестер Сити» билан шартномаси июнь ойи охиригача амал қилади.
Аввалроқ ҳам Силванинг «Ювентус»га ўтиши борасида кўплаб миш-мишлар тарқалган эди. Португалиялик ярим ҳимоячи 2017/2018 йилги мавсумдан бери «Манчестер Сити» шарафини ҳимоя қилиб келмоқда.
Шу йилнинг ёзида Бернарду Силва 32 ёшни қарши олади.
