"Милан" бош мураббийи Массимилиано Аллегри "Пиза" устидан қозонилган ғалабада (2:1) ҳал қилувчи голни урган Лука Модрич ҳақидаги фикрлари билан ўртоқлашди.
40 ёшли ярим ҳимоячи жума куни бўлиб ўтган А Серия баҳсининг 85-дақиқасида гол уриб, жамоасига ғалаба келтирди.
"Нима ҳам дейишим мумкин? Лука — фавқулодда футболчи. У майдонга тушди ва биз учун ғалаба келтирди. Барчамиз ундан ўрганишимиз керак бўлган жиҳатлар бор — у шунча ютуқлари ва иқтидорига қарамай, жуда камтар. Унинг бизнинг сафимизда тўп тепаётганидан жуда хурсандмиз", — деди Аллегри ўйиндан сўнг ОАВ вакиллари билан суҳбатда.
Лука Модрич ўтган йилнинг ёзида "Милан"га ўтган эди. "Пиза" дарвозасига киритилган тўп ярим ҳимоячи учун "россонерилар" сафидаги 26 та ўйиндаги иккинчи гол бўлди.
