Жаҳоннинг олти карра чемпионати Усэйн Болтнинг таъкидлашича, у ҳали ҳамон ўзини футболда синаб кўриш ниятидан қайтгани йўқ. У, шунингдек, энг севимли ўйинчиси дея "Реал" ҳужумчиси Криштиану Роналдуни эътироф этди.
"Ҳали ҳам ўзимни футболда синаб кўрмоқчиман. Менда муайян кўникма мавжуд. Шундай экан, севимли жамоам "Манчестер Юнайтед"дагиларга мен уларнинг клубида исталган позицияда ўйнашим мумкинлигини эслатиб қўймоқчиман.
Ҳозир менинг севимли футболчим, бу - Криштиану Роналду. У, албатта, "Реал" ўйинчиси, аммо ўз вақтида "МЮ" таркибида ҳам тўп сурган. Агар барча замонларнинг энг яхши ўйинчисини сўрасангиз, Зинедин Зидан деб жавоб бераман. Умуман олганда, футболчилар ва югурувчиларни танлашда мен ҳар доим энг охиргиларига эътибор қаратаман", деди Болт.
