Англия Кубогининг тўртинчи босқичи доирасида Лондоннинг "Челси" клуби сафарда "Халл Сити"ни тор-мор келтирди. Учрашув 4:0 ҳисобида якунланди. Киритилган голларнинг учтасига ҳужумчи Педру Нету муаллифлик қилди.
"OptaJoe" нашрининг таъкидлашича, Нету — 1909 йилнинг январидан бери жума кунги ўйинда хет-трик қайд этган "Челси"нинг илк футболчиси бўлди. Охирги марта бундай натижага "Мидлсбро"га қарши ўйинда Жорж Хилсдон эришган эди.
Бундан ташқари, Нету барча мусобақаларни инобатга олганда, тарихда жума куни 13-санада учта гол урган Премьер-лиганинг илк вакилига айланди.
Жорий мавсумда 25 ёшли португалиялик барча мусобақаларда 38 та ўйин ўтказиб, 10 бор рақиблар дарвозасини ишғол қилди ва 4 та голли узатмани амалга оширди.
