Мадриднинг "Реал" клуби ярим ҳимоячиси Эдуардо Камавинга келаётган ёзда клубини ўзгартириши мумкин.
23 ёшли футболчи жорий мавсумда "қаймоқранглилар"нинг асосий таркибига камдан-кам ҳолларда киритилмоқда, шу сабабли миш-мишлар унинг тез орада жамоадан кетишини тобора кўпроқ тахмин қилмоқда. Инсайдер Экрем Конурнинг хабар беришича, Саудиянинг "Ал-Иттиҳод" клуби ёзги трансфер ойнасида француз футболчисига ўта манфаатли шартнома таклиф қилишга тайёр. Шунингдек, вазиятни Англиянинг "Челси", "Ливерпуль" ва "Арсенал" клублари ҳам кузатиб боришмоқда.
"Transfermarkt" портали мутахассислари Эдуардо Камавинганинг қийматини 50 млн еврога баҳолашмоқда. Ярим ҳимоячининг "қироллик клуби" билан меҳнат шартномаси 2029 йилнинг ўрталарига қадар мўлжалланган.
