На "Реал", на Франция футбол федерацияси Килиан Мбаппега дам бериш ниятида эмас.
"L’Equipe" нашрининг қайд этишича, ҳужумчи бир неча ойдан бери чап тиззасидаги оғриқлардан азият чекмоқда, бироқ Мадрид клуби яқин орадаги ўйинларда ўз тўпураридан максимал даражада фойдаланишга ҳаракат қилади.
"Реал"нинг айрим менежерлари, агар оёғидаги оғриқ безовта қилишда давом этса, француз март ойидаги терма жамоалар танаффуси вақтида дам олиши мумкин деб ҳисоблашмоқда. Аммо миллий жамоада бундай вариант ҳатто кўриб чиқилаётгани йўқ.
Франция Жанубий Америкада иккита учрашув ўтказиши керак: аввал Бразилияга қарши (26 март), сўнгра Колумбия билан (29 март). Ушбу турненинг асосий ҳомийси "Nike" компанияси бўлиб, у Килиан билан шахсий ҳамкорликни ҳам йўлга қўйган. Шунинг учун Мбаппенинг бу ўйинларни ўтказиб юбориши номақбул ҳисобланади
