«Барселона» вингери Маркус Рэшфорд ҳалигача жароҳатидан фориғ бўлгани йўқ. Инглиз футболчиси тиззасидаги жароҳат сабабли Испания Кубоги ярим финали доирасида Мадриднинг «Атлетико»сига қарши кечган ўйинни ўтказиб юборган эди.
Журналист Виктор Наварронинг хабар беришича, 28 ёшли футболчи бугунги машғулотларда иштирок этмаган — у ҳамон тиззасида ноқулайлик ҳис қилмоқда. Рафинья эса, аксинча, режалаштирилганидек машғулотларга қайтди.
Душанба куни «кўк-анорранглилар» Ла Лига баҳсида сафарда «Жирона»га қарши майдонга тушади. Учрашув Тошкент вақти билан сешанбага ўтар кечаси соат 01:00 да бошланади.
Маркус Рэшфорд жорий мавсумдаги 34 та ўйинда 10 та гол урди ва 13 марта жамоадошларига голли узатма етказиб берди.
