Испания Ла Лигасининг 24-туридан ўрин олган уй учрашувида Мадриднинг «Реал» клуби «Реал Сосьедад» билан тўқнаш келди. «Қироллик клуби» 4:1 ҳисобидаги йирик ғалабани қўлга киритди.
Учрашув якунлангач, «қаймоқранглилар» бош мураббийи Альваро Арбелоа ижтимоий тармоқларда пост қолдирди.
«Яхши иш, ажойиб ўйин ва мукаммал муҳит. Олдинга ҳаракат қилишда давом этамиз», — дейилади мутахассис хабарида.
Кечаги муваффақиятдан сўнг Мадрид гранди 60 очко жамғариб, Ла Лига турнир жадвалида биринчи ўринга кўтарилиб олди. «Реал» Каталониянинг «Барселона» жамоасини икки очкога ортда қолдирмоқда, бироқ «кўк-анорранглилар»нинг «Жирона»га қарши битта захира ўйини мавжуд.
