Мадриднинг «Атлетико» клуби дарвозабони Ян Облак Испания Ла Лигаси 24-тури доирасида «Райо Вальекано»дан қабул қилинган йирик мағлубиятдан (0:3) сўнг ўз фикрларини билдирди.

«Биз Ла Лигада ютқаздик. Энди чемпионлик учун кураша олмаймиз ва бугунги мағлубиятга лойиқ эдик», — дея Облакнинг сўзларини келтиради El Chiringuito.

Испания чемпионатининг 24 та ўйинидан сўнг Мадриднинг «Атлетико» клуби 45 очко жамғариб, турнир жадвалида учинчи ўринни эгаллаб турибди. «Райо Вальекано» эса 23 та ўйиндан сўнг 25 очко билан 16-ўринда бормоқда. Турнирда 60 очко жамғарган «Реал Мадрид» пешқадамлик қилмоқда.

Келгуси турда «Атлетико» 21 февраль куни ўз майдонида «Эспаньол»ни қабул қилади.