"Рома" устози Жан Пьеро Гасперини Дониэлл Маленни мукаммал ҳужумчи деб атади.

Якшанба куни январь ойида "Астон Вилла"дан ижарага олинган нидерландиялик футболчи А Серия доирасида "Наполи"га қарши ўйинда (2:2) дубль қайд этди. У "Рома" сафида 5 та ўйинда 5 та гол урган.

"Мен ҳар доим Маленда менинг ўйин услубим учун идеал сифатлар борлигига амин бўлганман, чунки у мукаммал ҳужумчи. У зарба беришда сусткашлик қилмайди, тезкор, шериклари билан комбинация қила олади. Жамоага тез-тез гол урадиган ҳужумчи керак, чунки биз уни доимо хавф туғдирадиган позицияларга чиқарамиз.

У биз билан атиги бешта ўйин ўтказди, шунинг учун биз олдинга силжишимиз мумкин деб ҳисоблайман, айниқса, Дибала, Соуле ва Эл-Шаарави оптимал формага кирса ва биз янада рақобатбардош бўла олсак", - деди Гасперини.