Мадриднинг «Реал» клуби бош мураббийи Альваро Арбелоа ўзидан олдинги мураббийдан сўнг жамоадаги вазиятни барқарорлаштиришга муваффақ бўлди.
«Қаймоқранглилар»нинг аввалги устози Хаби Алонсо футболчилар билан мустаҳкам алоқа ўрната олмаган, якунда эса уларнинг ишончини бутунлай йўқотган эди. Diario AS нашрига таяниб «Газета.Ру» хабар беришича, Арбелоа жамоада аҳилликни тиклашга эришди. Янги мураббий қўл остида Мадрид гранди кийиниш хонасида яна бирдамлик ҳукм сурмоқда.
Эслатиб ўтамиз, «Реал» 12 январь куни Алонсонинг истеъфосини ва Арбелоанинг тайинланганини эълон қилган эди. Ўшандан бери жамоа саккизта ўйин ўтказиб, уларда олтита ғалаба ва иккита мағлубият қайд этди.
