«Арсенал» ярим ҳимоячиси Мартин Эдегор жамоанинг Англия Кубогидаги мақсадлари ҳақида фикр билдирди. Аввалроқ «канонирлар» «Уиган»ни 4:0 ҳисобида мағлуб этиб, турнирнинг 1/8 финалига йўл олган эди.
«Англия Кубогида ишларимиз унчалик юришмаётганди ва биз буни тузатмоқчимиз. Сўнгги йилларда биз тез-тез эрта босқичларда мусобақани тарк этдик. Яхшироқ иштирок этишимиз кераклигини биламиз. Бу биз ютишни истаган яна бир турнир. Биз лигада пешқадамлик қиляпмиз, Чемпионлар лигаси гуруҳ босқичида биринчи ўринни эгалладик ва аллақачон Лига Кубоги финалига чиқдик. Кейинги асосий мақсадимиз — Англия Кубоги», — дея Эдегорнинг сўзларини келтирмоқда Extra Time Indonesia.
«Арсенал»нинг навбатдаги ўйини 18 февраль куни бўлиб ўтади. Премьер-лиганинг қолдирилган 31-тури доирасида Микель Артета жамоасига «Вулверхэмптон» рақиблик қилади.
