Франческо Тотти ўзининг «Рома»га қайтиши мумкинлиги ҳақидаги маълумотларга муносабат билдирди. Аввалроқ Тотти клубда техник директор лавозимини эгаллаши мумкинлиги ҳақида хабар берилган эди.
«Ҳозир у ерда бўлмасам ҳам, "Рома" — менинг уйим. Клуб қандай йўлдан кетаётганидан мамнунман. Охирги вақтларда кўплаб миш-мишлар тарқалди. Бу ҳақиқат, биз мулоқот қиляпмиз, тафсилотларни муҳокама қиляпмиз ва ҳамма учун нима яхшироқ бўлишини ҳал қиляпмиз. Умид қиламанки, тез орада бу масалани ижобий ҳал қиламиз», — деди Тотти Sky Sport Italia нашрига.
Франческо Тотти футболчилик фаолиятини 2017 йилда якунлаган эди. Шундан сўнг у бир неча йил давомида клубда менежер сифатида фаолият юритган.
