"Бенфика" бош мураббийи Жозе Моуриньо "Реал" мураббийлик курсисидаги даври ҳақида фикр билдирди.
"Реал"да нималаргадир эришдим, нимададир муваффақиятсизликка учрадим, лекин мен ҳақиқатан ҳам бор кучимни бердим. "Реал" мухлислари мени ҳалигача айнан шунинг учун ҳурмат қилишади ва қадрлашади", — дея Моуриньонинг сўзларини келтиради "The Touchline".
Жозе Моуриньо 2010–2013 йилларда "Реал"ни бошқарган. Ўша даврда "қаймоқранглилар" Испания чемпионати, Испания кубоги ва Испания суперкубогида ғолиб чиқишган.
Сешанба куни, 17 февраль куни "Бенфика" ва "Реал" Чемпионлар лигасида ўзаро тўқнаш келишади.
