Ҳар йили 11 август санасида футбол жамоатчилиги афсонавий “Пахтакор” жамоасини ёдга олади.
1979 йилнинг айнан ушбу санасида Украинанинг Днепропетровск шаҳри осмонида авиаҳалокат рўй бериб, 17 нафар “Пахтакор” (Тошкент) аъзоларини ҳаётига зомин бўлганди. У жамоа Ўзбекистоннинг фаҳри бўлиб, “Пахтакор”ни нафақат мамлакатимизда балки юртимиздан ташқарида ҳам кўплаб мухлислари топилар эди.
Ўтган якшанба куни “Бунёдкор” ФК раҳбарияти, мураббийлари, футболчилари “Боткин” қабристонида бўлишиб, пахтакорчилар хотирасига учун қад кўтарган янги хотира майдонига гулчамбарлар қўйишди.
Жамоа аъзолари билан бирга клуб матбуот хизмати фотомуҳбири Ғайрат Абдуллаев ҳам бўлди. Воқеа жойидан туширилган суратлар билан ФОТОГАЛЕРЕЯ бўлимида танишишингиз мумкин.
