"Арсенал" 2025 йилнинг ёзида "Атлетико" ҳужумчиси Хулиан Альваресни сотиб олишга ҳаракат қилган эди.
Клублар ўртасидаги Жаҳон чемпионати вақтида лондонликлар аргентиналик футболчи учун 100 млн евро ва қўшимча 20 млн бонус таклиф қилишган, бироқ Мадрид клуби бунга рад жавобини берган, деб хабар қилмоқда El Desmarque.
Ҳужумчининг шартномасидаги товон пули 490 млн еврони ташкил этади, маоши эса солиқлар тўланганидан кейин йилига 6 млн еврога тенг. Аммо 2026/27 йилги мавсумдан бошлаб, агар Альварес шартномасини узайтирса, "Атлетико"да анча кўпроқ ишлаб топиши мумкин бўлади.
Яқинда ёпилган қишки трансфер ойнаси вақтида "ПСЖ" Альварес бўйича такрорий сўров юборди. "Арсенал" ҳам ўйинчига бўлган қизиқишини сақлаб қолган, бироқ айни дамда Альварес илгари "Манчестер Сити" сафида тўп сурган АПЛга қайтиш ниятида эмас.
