Сешанба оқшомида Чемпионлар лигасининг плей-офф босқичи доирасида «Бенфика» ва «Реал» жамоалари тўқнашуви бўлиб ўтади. AS журналистларининг хабарига кўра, Альваро Арбелоанинг қарори билан Арда Гюлер илк дақиқалардан майдонга тушади ва ярим ҳимояда «эркин ижодкор» ролини бажаради.
Шунингдек, ярим ҳимоя марказида Федерико Вальверде, Эдуардо Камавинга ва Орельен Тчуамени ҳаракат қилишади. Ҳужум чизиғида эса жамоанинг асосий юлдузлари — Винисиус Жуниор ва Килиан Мбаппе рақиб дарвозасига хавф солади.
«Бенфика» ва «Реал» ўртасидаги баҳс Тошкент вақти билан тунги соат 01:00 да (18 февралга ўтар кечаси) бошланади.
