Душанба куни Ла Лига доирасида «Барселона» сафарда «Жирона» меҳмони бўлди. «Кўк-анорранглилар» 1:2 ҳисобида имкониятни бой беришди ва тур якунларига кўра пешқадамликни қўлдан чиқаришди — энди жадвал тепасида «Барселона»дан икки очко кўп жамғарган «Реал» бормоқда.
The Touchline нашрининг Cadena SER радиосига таяниб хабар беришича, вингер Ламин Ямал тана ҳарорати юқори бўлишига қарамай «Жирона»га қарши баҳсда иштирок этган. Ямал майдонда тўлиқ 90 дақиқа ҳаракат қилди.
Энди «Барселона» Испания чемпионатининг навбатдаги турида «Леванте»га қарши уй учрашувига тайёргарлик кўради. Ўйин якшанба, 22 февраль куни Тошкент вақти билан соат 20:15 да бошланади.
