Чемпионлар лигаси плей-офф босқичининг илк учрашуви доирасида «Монако» ўз майдонида «ПСЖ»га имкониятни бой берди. Баҳс 2:3 ҳисобида якунланди, ваҳоланки ўйин давомида монегасклар 2:0 ҳисобида олдинда бораётган эдилар.

«Монако»нинг иккита голидан бирида ярим ҳимоячи Александр Головин иштирок этди – у ҳужумчи Фоларин Балогунга голли узатма берди. «Opta Sports» тасдиқлашича, бу Чемпионлар лигаси тарихида россиялик ва америкалик футболчи ҳамкорликда гол урган илк ҳолат бўлди.

Шуни айтиш керакки, Головин 48-дақиқада тўғридан-тўғри қизил карточка олгани сабабли майдонни тарк этди.

«ПСЖ» ва «Монако» ўртасидаги жавоб баҳси чоршанба, 25 февраль куни бўлиб ўтади. Учрашув Тошкент вақти билан соат 01:00 да бошланади.