"Барселона" учун Маркус Рэшфорднинг тўлиқ трансферини "Манчестер Юнайтед"дан амалга ошириш осон кечмайди.
Аввалроқ Испаниядаги манбалар "қизил иблислар" 28 ёшли футболчини сотиб олиш нархи бўйича "кўк-анорранглилар"га ён бермаслигини маълум қилган эди — ижара шартномасида кўрсатилганидек, фақат 30 млн евро. Эндиликда ушбу маълумотни Англияда ҳам тасдиқлашди: журналист Крис Уилернинг сўзларига кўра, "Манчестер Юнайтед" ҳатто "Барселона" чегирма сўраб туриб олса ҳам, Рэшфорднинг нархини асло туширмайди.
"Transfermarkt" портали Маркус Рэшфордни 40 млн еврога баҳоламоқда. Жорий мавсумда инглиз футболчиси Ханс-Дитер Флик жамоаси сафида 34 та ўйинда майдонга тушиб, 10 та гол ва 13 та ассист қайд этди.
