"ПСЖ" устози Луис Энрике Европа Чемпионлар Лигаси плей-офф босқичидан ўрин олган "Монако"га қарши биринчи плей-офф ўйинидан кейин ўз фикрларини билдириб ўтди. Париж жамоаси сафарда 3:2 ҳисобида ғалаба қозонди.
"Биринчи ҳужумдаёқ мезбонлар гол уришди. Шундан сўнг улар ҳимоямизни муваффақиятли кесиб ўтишда давом этишди ва иккинчи голни ташкил қилишди. Воқеаларнинг бундай ривожи ишончимизга путур етказиши мумкин эди, аммо жамоа бардош берди ва барчасини уддалади. Оғир дамларга қарамай, шогирдларим ўзларига бўлган ишончни сақлаб қолишди", - дея испаниялик мутахассиснинг сўзларини келтиради RMC Sport.
"ПСЖ" ва "Монако" ўртасидаги жавоб баҳси 25 февраль куни Париждаги стадионда бўлиб ўтади.













