Формула-1 юлдузи Льюис Хэмилтон "Реал Мадрид" ҳужумчиси Винисиус Жуниорга далда берди. Бразилиялик футболчи Чемпионлар лигасидаги баҳсда "Бенфика" ўйинчиси Жанлука Престианнини майдонда ирқчилик қилишда айблаган ва бу катта можарога сабаб бўлган эди.
"Биз сен биланмиз, Винисиус", — деб ёзди Хэмилтон ижтимоий тармоқларда.
Эслатиб ўтамиз, Жанлука Престианни ирқчилик айбловларини рад этмоқда. "Бенфика" футболчисининг сўзларига кўра, Винисиус Жуниор уни шунчаки нотўғри тушунган.
Сешанба куни "Реал" сафарда "Бенфика"ни 1:0 ҳисобида мағлуб этди. Келаси ҳафта жамоалар Мадридда жавоб учрашувини ўтказадилар. Ўйин 25 февраль кунига белгиланган.













