Винисиус Жуниор "Реал"даги ҳужум чизиғи бўйича шериги Килиан Мбаппедан жуда миннатдор. Бразилиялик футболчи французга сешанба кунги баҳсда ҳам майдонда, ҳам унинг ташқарисида кўрсатган қўллаб-қувватлаши учун ташаккур айтди. Бу ҳақда ESPN Deportes хабар бермоқда.
Қайд этилишича, Лиссабондаги жанжалли ўйиндан сўнг "Реал Мадрид" Винисиусни тўлиқ қўллаб-қувватламоқда.
Эслатиб ўтамиз, Винисиус Жуниор "Бенфика" футболчиси Жанлука Престианнини ирқчилик замирида ҳақорат қилганликда айблаган эди. Лиссабон клуби вакили эса бу айбловларни рад этмоқда. Килиан Мбаппе ўйиндан сўнг Престианни кабиларга Чемпионлар лигасида ўрин йўқлигини таъкидлади.
"Реал" сафарда "Бенфика"ни 1:0 ҳисобида мағлуб этди.













