«Манчестер Сити» бош мураббийи Пеп Гвардиола яқиндагина ЕЧЛнинг энг тезкор футболчиси деб топилган ҳамюртимиз Абдуқодир Ҳусанов ҳақида тўхталиб ўтди. Пеп ўзбек ҳимоячисининг тезлигидан ташқари бошқа жиҳатларини ҳам алоҳида эътироф этди.
«Биргина шу кучли томони эмас, Ҳусановни бошқа футболчилар билан адаштирманг. Унда тезлик ҳам, бошқа хислатлар ҳам бор. Унинг тўп билан муомала қилиши борган сари яхшиланиб бормоқда», — дейди Пеп.
Мураббий Ҳусановнинг меҳнаткашлиги ва ўрганишга бўлган иштиёқини юқори баҳолади: «Ўйлайманки, унинг ўйини янада такомиллашади. У янгиликларга чанқоқ. Яқинда айтганимдек, «Сити» узоқ-узоқ муддатга яхши футболчини қўлга киритган».
