«Manchester Siti» bosh murabbiyi Pep Gvardiola yaqindagina YECHLning eng tezkor futbolchisi deb topilgan hamyurtimiz Abduqodir Husanov haqida to‘xtalib o‘tdi. Pep o‘zbek himoyachisining tezligidan tashqari boshqa jihatlarini ham alohida e’tirof etdi.
«Birgina shu kuchli tomoni emas, Husanovni boshqa futbolchilar bilan adashtirmang. Unda tezlik ham, boshqa xislatlar ham bor. Uning to‘p bilan muomala qilishi borgan sari yaxshilanib bormoqda», — deydi Pep.
Murabbiy Husanovning mehnatkashligi va o‘rganishga bo‘lgan ishtiyoqini yuqori baholadi: «O‘ylaymanki, uning o‘yini yanada takomillashadi. U yangiliklarga chanqoq. Yaqinda aytganimdek, «Siti» uzoq-uzoq muddatga yaxshi futbolchini qo‘lga kiritgan».
