Ҳужумчи Алехандро Гарначо шу ёзда "Челси"ни тарк этиши мумкин.
"MatchDay Central" берган маълумотларга кўра, аргентиналик футболчининг Лондон клубидаги келажаги ноаниқлигича қолмоқда. "Кўклар" форвардга катта умид боғлаган бўлса-да, у мавсум якунида сотиб юборилиши мумкин. Гарначони қўлга киритиш учун асосий даъвогарлар сифатида "Ньюкасл" ва Лондоннинг "Арсенал" клублари тилга олинмоқда. Аргентиналикнинг тақдири ёзга яқинроқ тўлиқ ойдинлашади.
Алехандро Гарначо 2025 йилда "Манчестер Юнайтед"дан "Челси"га 46 миллион евро эвазига ўтган эди. Унинг шартномаси 2032 йилнинг 30 июнигача мўлжалланган. Жорий мавсумда аргентиналик "кўклар" либосида барча турнирларда 29 та ўйин ўтказиб, 6 та гол урди ва 3 та голли узатмани амалга оширди.
