"Борнмут" марказий ҳимоячиси Маркос Сенеси "Барселона"га ўтишни истамоқда. Миш-мишларга кўра, "кўк-анорранглилар" аргентиналик футболчини январь ойидаёқ ўз сафига қўшиб олиши мумкин эди, аммо музокаралар аниқ босқичга етиб бормади.
Ёзда ўйинчи эркин агентга айланади ва каталония гранди ҳали ҳам даъвогарлар қаторида қолмоқда. Улар орасида "Ювентус", "Тоттенхэм", "Манчестер Юнайтед" ва бошқа клублар ҳам бор.
TEAMtalk хабарига кўра, Сенеси "Барселона" қизиқиш билдирганини билгач, айнан шу жамоага ўтишга қарор қилган — бошқа вариантлар у учун иккинчи даражали. Transfermarkt мутахассислари Маркос Сенесини 22 миллион евро деб баҳоламоқда. Май ойида футболчи 29 ёшга тўлади.
