Лондоннинг "Арсенал" бош мураббийи Микель Артета "Вулверхэмптон"га қарши Премьер-лига баҳсидан (2:2) кейин фикрларини билдирди.
"Канонирлар" чемпионатнинг асосий аутсайдери билан баҳсда ҳисобни 2:0 олдинда бўлиб турганда очко йўқотди. "Бўрилар" 94-дақиқада ҳисобни тенглаштирди.
"Иккинчи таймда биз керакли даражада ва Премьер-лигада ғалаба қўлга киритиш учун ўйнаш керак бўлган тарзда ўйнамадик. Лекин биз ҳодисаларга жуда эмоционал тарзда реакция қиламиз. Бу зарбани муносиб қабул қилишимиз керак, чунки бунга лойиқ эдик. Ҳар доим эмоцияларга берилишда жамоага зарар келтириши мумкин бўлган сўзлар айтиш хавфи бор. Асосий вазифаларни яхшироқ бажариш зарур. Илгари бу билан муаммо бўлмаган", — деди Артета Sky Sportsга берган интервьюсида.
"Арсенал" 58 очко билан турнир жадвалида пешқадам ва "Манчестер Сити"дан 5 очко олдинда, "шаҳарликлар"да битта захира учрашуви қолган.
