Англия чемпионатининг 31-тур учрашувида "Вулверхэмптон" чемпионат етакчиси "Арсенал" билан ўйинда ирода билан дуранг қайд этди 2:2.
"Бўрилар" сафида ҳимоячи Уго Буэно гол урди. Ўйиндан кейин у мамнунлигини яширмади.
"Мен биринчи голимдан ҳайратдаман. Мавсум биз учун қийин кечмоқда, аммо мен бу голни кичик тасалли сифатида қабул қиламан. Ҳисоб 0:2 бўлган ҳолатда дуранг қайд қилишимиз айниқса ёқимли бўлди. Балки бу натижадан илҳом олиб, яна қандайдир яхши натижаларга эришамиз", — деди Буэно BBC Sportга берган интервьюсида.
Ижобий натижага қарамасдан, "Вулверхэмптон" ҳали ҳам жадвалда охирги ўринда қолмоқда.
