«Ливерпуль» қанот ҳимоячиси Эндрю Робертсон жорий мавсум якунланганидан кейин жамоани тарк этади. Бу ҳақда Topskills Sports UK нашри хабар бермоқда.
Эслатиб ўтамиз, январь ойида Лондоннинг «Тоттенхэм» клуби 31 ёшли футболчини сотиб олишга уриниб кўрганди, бироқ келишув амалга ошмаган эди. Манбанинг берган маълумотига кўра, «шпорлар» шотландиялик футболчини ёзда эркин агент мақомида ўз сафига қўшиб олишга яна бир бор ҳаракат қилиб кўришлари мумкин. Шунингдек, Робертсонга Саудия Арабистони, Туркия ва Шотландия клублари томонидан ҳам қизиқиш борлиги таъкидланмоқда.
Робертсон 2017 йилдан бери «Ливерпуль» шарафини ҳимоя қилиб келади. Жорий мавсумда у барча турнирларни инобатга олган ҳолда 24 та ўйинда иштирок этиб, битта гол урди ва битта голли узатмага муаллифлик қилди.
